Cannot find server

Grabe.

Yan ang masasabi kong isang salita kung kasali man ako sa isang beauty contest (sana!) at tinanong ako kung anong masasabi ko sa mga nangyari sa akin ngayong 2007.

Maraming mga kahindik hindik, kagila-gilalas at hindi kapani-paniwalang mga kaganapan ang siyang naganap sa buhay ko ngayon taong ito.

Masasabi ko din na tunay ngang napakabilis ng takbo ng panahon. Parang kahapon lang.. isa akong batang paslit na may onse pa sa ilalim ng ilong na patakbo takbo sa playground ng eskwelahan naming habang may klase (oops nadulas!)… tapos ngayon.. ngayon.. ngayon… akalain mo yun…

Samahan niyo ako.  Parang awa niyo na.  habang aking iniisa-isa ang mga nangyari sa akin ngayong 2007.

• January – ito ang buwan na kung saan nabuhusan ako ng maduming tubig kanal habang napadaan ako sa piyesta dito sa baranggay namin. Badtrip. For more info, read my recent blog post.
• February – nakilala ko ang isang lalaking magulong mag-isip. Hehehe. Masaya na sana, kaya lang… yun na. J
• March – narealize ko sa puntong ito na gagradweyt na ko! Yehey! Kaya lang may mga humarang sa adhikain kong ito.. muntik nang walang pag-graduate-in sa batch naming kasi “kulang pa daw kami sa kaalaman”. Cmon! Pwede ba un .. eh mga CUTE kami… duh?!
• April – I turned 22. tanda ko na. pero CUTE pa din (kelangan talaga lagi ipasok ang statement na yun?).  sa buwan ding ito, I cut my hair from waistline to my shoulders. Nagpa-grad pic din ako sa puntong ito. Tinodo ko na dahil pangit ang grad pick o nun prep, elementary at hayskul. Di na ko papayag na ganun pa din hanggang sa huling sandali. Nagsimula din sa buwan na ito ang huling summer class ko sa PSBA. At itong buwang din na to ako naka graduate. Dahil CUTE talaga ako (naiirita ka na ba? Gusto ko lang mang asar.).
• May – nagsimula akong maging independent. I moved from pasigto manila to spend my next 5 months alone. Kasi nag-dorm na ako habang nagrereview for my board exam. Mahirap siya, lalo na pag badtrip yung naglalaundry.. kasi ginawang navy blue yung white portion ng blouse kong red. Nagmukha tuloy akong walking bandila. Pero ayos lang. for the sake of my country. Natuto rin ako kumain sa tabi tabi. Nung una kasi puro Jollibee at mcdo.. pero napilitan ako kumain sa turo turo nun nauubos na ang allowance ko. Hehehe. Basta. Madami ako natutunan bukod sa mga shortcuts na pwedeng gamitin sa board exam.
• June – nagsimula akong maka attend uli ng midweek sa KKB Youth Center. Dito nagsimulang marevive ang spiritual life ko. Eto rin yung point na nagsimula kaming maging close ni tukayo. Hehehe. At this point hindi pa din ako nakakapag adjust sa independent life ko. Nagdadrama pa din ako gabi gabi kasi natatakot ako matulog mag isa.
• July – nakapag adjust na din ako. Salamat sa nabili kong MP4 player sa recto. May games kasi. Kaya pag nalulungkot ako naglalaro na lang ako ng minesweeper (ngayon ko lang siya naintindihan kung paano laruin). Pero siyempre pag tapos na ang review or pag di ako makatulog, tsaka ko ginagawa yun. Eto rin yata ang buwan na kung saan lagging beef steak ng ERL ang ulam ko for lunch. Masarap kasi.  Umuwi na din sa heaven nito ang paborito kong ninong. At ang lola ko. Kaya medyo emotionally battered ako ng mga oras na ito.
• August – nagawa ko sa buwan na ito ang isa sa pinaka kaadikang akto ng buhay ko –nagpagupit ako ng buhok. Shoulder length to boy cut. Adik noh? Alam ko. Kasi dapat magpapatrim lang ako nun. Eh nakita ko yung picture ng babae sa magazine na short ang buhok.. nagandahan ako.. sabi ko sa bading ganun na lang ang buhok ko.. naiyak nga siya eh.. baka daw nakatira lang daw ako ng katol.. sigurado daw ba ako? Sabi ko basta gawin na lang niya. Bahala na si Lord. Sa awa at habag ng Diyos naappreciate naman ng mga tao ang aking bagong anyo. Hehehe! Ang gwapo ko daw. Toinks. Bagsak ako sa Law preboard exam.
• September – nagsimula akong maging seryosong seryoso sa review. Dito nagsimula din na isipin ko kung gusto ko nga ba talaga mag board exam. Ngunit dahil sa nakapag bayad na ko sa PRC ng exam fee, wala na akong choice. Sa ayaw ko’t sa ayaw, mag eexam ako. Bagsak pa din ako sa law preboard exam. At sa practical accounting 1. yari.
• October – LET YOUR KINGDOM COME! Umalis ako agad sa law pre-week lecture ko upang umattend sa anniv ng JIL sa luneta. Board exam ko na din nito. Grabe. Nun una hindi na ako kinabahan kasi inisip ko na lang na walang itutulong iyon sa akin. Pero nun pagkatapos ng huling subject ng board exam, napaiyak ako sa hindi malamang kadahilanan.  Kinabukasan, nalaman ko na lang na NAKAPASA AKO! Salamat talaga sa Diyos!  Eto din ang buwan na nagsimula ako magtrabaho sa ortigas. At siyempre nakabalik na pala ako sa pasig, kapiling ang aking beloved family =)
• November – isa na akong full-fledged/pledged CPA. Yehey. Ang sarap ng pakiramdam.  Dito ko nga lang naranasan kung pano pumila nang malupit sa PRC. Grabe. Wala akong masabi talaga.
• December – thanksgiving month! Naka attend ako ng KKB Summit—BREAKTHROUGH GENERATION! Isang akto ng pasasalamat sa lahat ng pagpapala, pagsubok at kadakilaan ng Diyos sa buhay ko.

At ngayong paparating na ang 2008, alam kong marami pang dadating na pagsubok, hirap at pagod sa buhay ko. Ngunit panalangin ko sa Diyos na wag akong bigyan ng mga ito, kundi patatagin Niya ako para kayanin ang lahat ng ito.

Panalangin ko din ito para sa iyo hindi lang ngayong 2008 kundi sa mga taon pang dadating.

HAPPY NEW YEAR!

~ by karensantiago on December 30, 2007.